Maadtegem dan saemiedigkien orre baakoegärjafunksjovnese lea mijjen åarjelsaemien baakoegärja, mij jaepien 2007 ålkoe-vadtasuvvi jïh dïhte julevsaemien baakoegärjaïebne mij aerebi mijjen webbesäjrosne orreme. Lohkh jienebe duekien bïjre dejnie gårroemenyjen artikelinie.

Raeresth baakoeh
Mijjen orre webbe vierhtielissiehtahkesne libie (konsuvlenth) datnine (baakoegärjafunksjovne nuhtjije) nuepieh sinsätnan tjaeledh. Datne maahtah orre baakoeh raeriestidh mah åtnah faatoes, jallh voerkelidh jis fiejliem vueptiestamme. Numhtie maahta baakoegärjide aejkiej mietie sjidtedh jïh barre buerebe aaj sjidtedh årrodh.

Orrestehteme
Mijjieh libie gyjhtelihks gaajhkide åssjalommide daan sisvegen bïjre. Mijjieh gaajhkh raeriestimmieh dovne lissiehdahkh vaaksjobe jïh baakoegärjam ikte-mearan orrestahtebe.

Nuepieh
Mijjen orre funksjovnen leah gellieh nuepieh. Mijjieh maehtebe båetije biejjide dam jienebh baakoegärjaj-gujmie stoerebe tseegkedh dovne jienebh saemien gïeligujmie aaj. Jis dov leah baakoelästoeh mah jienebidie almetjidie sïjhth bäjhkoedidh dle åadtjoeh govlijehtedh! Mijjieh gååvnesibie saemien siebredahken dïehte jïh barkebe juktie mijjen saemien gïelide edtjieh veasodh jïh öövtiedamme sjidtedh. Gaskesadth saemiedigkien gïeleåejvie Aina Negga, teel. 0980-780 58.